Хок

Ҳар чӣ арзон бошад, онро дар масал
«Мисли хок арзон» бигӯянд одамон.
Хок бисёр аз тамоми ганҷҳо,
Ганҷҳое, ки дар ӯ бошад ниҳон.

Чун намегунҷид андар махзане,
Хокро чун ганҷҳо нархе набуд.
Баски ҳамсангаш набуд тиллою зар,
Нархаш аз «арзонӣ» қиматтар нашуд…

Ҳар чӣ арзон бошад, онро дар масал
«Мисли хок арзон» бигӯянд одамон.
Хок арзон, лек нафрӯшад варо
Ҳеҷ инсон дар баҳои умри ҷон.

27.6.1966

Facebooktwittergoogle_plusredditpinterestlinkedinmail
Close