ҲУСНИ БЕНАЗИР

Ҳар гаҳ, ки бинамат
Бо қомати баланд,
Ояд дилам ба дод,
Эй давлати баланд.
Ман ошиқи туям,
Дил дар паноҳи туст.
Бахти сафеди ман
Чашми сиёҳи туст.
Ҳар гаҳ, ки бинамат
Дар ин ҷаҳони пир,
Аз нав ҷавон шавам,
Эй ҳусни беназир.
Ман ошиқи туям,
Дил дар паноҳи туст.
Бахти сафеди ман
Чашми сиёҳи туст.
Ҳар гаҳ, ки бинамат
Дар рӯ ба рӯи дил,
Ошуфтаҷон равам,
Аз нав ба кӯи дил.
Ман ошиқи туям,
Дил дар паноҳи туст.
Бахти сафеди ман
Чашми сиёҳи туст.
2.1.1984

Facebooktwittergoogle_plusredditpinterestlinkedinmail