Бо нидои ту

Ин хақиқат бувад, ки кураи арз

Гирди хуршед бе ту ҳам мегашт,

Бе ту ҳам баҳр буду дарё буд,

Ҷангалу лолазору кӯҳу дашт…

 

Лек бе ту ҷаҳону ҳастии он

Зишту носуфта буду беқолиб,

Дағалу сард буду худсар буд,

Бекасу бенизому бесоҳиб.

 

Бо нидои ту орзую ишқ

Бо нидои ту ҷустучӯю амал

Машъали ғайрати ҷавонӣ шуд,

Гавҳари тоҷи зиндагонӣ шуд!

 

Зиндагиро ту зиндагӣ кардӣ,

Ҳусни дигар ту додӣ бар олам,

Байрақи ифтихори дунёӣ,

Эй худованди олам, эй Одам!

Facebooktwittergoogle_plusredditpinterestlinkedinmail
Close