Дар санги гӯрҳо

Замин – модар! Барои мушти хокат
Фидо кардам дилу ҷону сарамро.
Агар ту модарӣ, баҳри худо гӯй,
Чаро аз ман рабудӣ модарамро???
Ду-се дам комронӣ ҳам накардӣ,
Ба ҷонон ҷонфишонӣ ҳам накардӣ.
Ҷавонии ту шуд доғи дили мо
Ҷавон рафтӣ, ҷавонӣ ҳам накардӣ.
Ҷаҳоно, ормонам кам шикастӣ,
Ниҳоли қоматам дарҳам шикастӣ.
Асои пирӣ будам баҳри модар,
Асои модарамро ҳам шикастӣ.

Facebooktwittergoogle_plusredditpinterestlinkedinmail