Дили беқарор

Боз чун ҳар субҳдам биншастаам

Рӯи санге, бар лаби Баҳри Сиёҳ.

То шавад ором дил, дил бастаам

Ман ба ин бахри азиму мавҷҳо…

 

Худсарона мевазад боди баҳор,

Нарму форам…

Ҷониби ман ҳар замон

Мавҷҳои хешро беихтиёр

Мефиристад бахри шӯху бекарон.

 

Аз вазидан монд боди дилкушо,

Мавҷҳо гаштанд ғоиб аз назар.

Баҳр ҳам ором шуд…

Охир, чаро,

Эй дили ман, беқарорӣ ин қадар?

 

Не!

Дар ин ҷо дил намеёбад қарор.

Хайр

Эй базфи азим, эй мавҷҳо.

Боз дар баҳри бузурги рӯзгор

Орзу дорад дилам созад шино.

Facebooktwittergoogle_plusredditpinterestlinkedinmail
Close