Марди чист

Ҳар он к-ӯ мард буду заҳрае дошт
Ба майдон омаду майдонталаб буд.
Ҳамеша бесилоҳ, аммо батадбир
Баору нангу боному насаб буд.

Ҳар он к-ӯ буд ларзон аз ғами ҷон
Ба хилватхонаҳо худро ниҳон сохт.
Ба ҳифзи нимаи ҷон, нимаи дил
Синону ханҷару тиру камон сохт.

Барои қаҳрамон тадбир бояд,
На ханҷар, на камон, на тир бояд.
Барои шоирӣ на номи холӣ,
Дили пур, шеъри ботадбир бояд…

28.10.1967

Facebooktwittergoogle_plusredditpinterestlinkedinmail
Close