УМРРО  БИКОҲОНАД

Умри  мардумро  бикоҳад  панҷ  чиз,

Ёдгираш,  чун  шунидӣ,  эй  азиз.

Шуд  яке  з-он  панҷ  дар  пирӣ  ниёз,

Пас  ғарибӣ  в-он  гаҳе  ранҷи  дароз.

Ҳар  кӣ  ӯ   бар  мурда  андозад  назар,

Умри  ӯ  бешак,  бикоҳад,  эй  писар.

Панҷ  омад  тарсу  ваҳм  аз  душманон,

Умрро  инҳо  ҳаме  дорад  зиён.

Ҳар  кӣ  ӯ  аз  душманон  тарсон  бувад,

Кори  ӯ  ҳар  лаҳза  дигарсон  бувад.

Аз  худо  тарсу  матарс  аз  душманон,

К-аз  ҳама  дорад   худоят  дар  амон.

Facebooktwittergoogle_plusredditpinterestlinkedinmail
Close