Ёд бод он, ки…

Ёд бод он, ки ниҳонат назаре бо мо буд,

Рақами меҳри ту бар чеҳраи мо пайдо буд.

Ёд бод он, ки чу чашмат ба итобам мекушт,

Мӯъҷизи Исавият дар лаби шаккарҳо буд.

Ёд бод он, ки сабӯҳизада дар маҷлиси унс

Ҷуз ману дӯст набудем Худо бо мо буд.

Ёд бод он, ки рухат шамьи тараб меафрӯхт,

В-ин дили сӯхта парвонаи нопарво буд.

Ёд бод он, ки дар ин базмгаҳи хулқу адаб,

Он, ки ӯ хандаи мастона задӣ, саҳбо буд.

Ёд бод он, ки чу ёқутқадаҳ ханда задӣ,

Дар миёни ману лаъли ту ҳикоятҳо буд.

Ёд бод он, ки нигорам чу камар барбастӣ,

Дар рикобаш маҳи нав пайки ҷаҳонпаймо буд.

Ёд бод он, ки харободнишин будаму маст,

В-он чи дар масҷидам имрӯз кам аст, он ҷо буд-

Ё бод он, ки ба ислоҳи шумо мешуд рост,

Назми ҳар гавҳари носуфта, ки Ҳофизро буд.

Facebooktwittergoogle_plusredditpinterestlinkedinmail