Ёд бод

Рӯзи васли дӯстдорон ёд бод,

Ёд бод, он рӯзгорон ёд бод!

Комам аз талхии ғам чун заҳр гашт,

Бонги нӯши шодхорон ёд бод!

Гарчи ёрон фориғанд аз ёди ман,

Аз ман эшонро ҳазорон ёд бод!

Мубтало гаштам дар ин бӣанду бало,

Кӯшиши он ҳақгузорон ёд бод.

Гарчи сад рӯд аст дар чашмам мудом,

Зиндарӯди боғкорон ёд бод!

Рози Ҳофиз баъд аз ин ногуфта монд,

Эй дареғо, роздорон ёд бод!

Facebooktwittergoogle_plusredditpinterestlinkedinmail