Зулфи чун занҷир

Манам аз зулфи чун занҷири ёре

Парешонтолеъе девонаворе.

Ба ғайр аз ошикиву майпарастӣ,

Зи дастам барнаёяд хеҷ коре.

Нагардад гирди ӯ ғам, хар кӣ бигрифт

Чу чашмаш гӯшаеву кунҷи ғоре.

Зи борони сиришк аз чашми пурхун

Ҳарими кӯйи ӯ шуд лолазоре.

Дар ин саҳрои ғам чун гирдбодам,

Ҳамеша беқароре, хоксоре.

Дар ин гулшан надидам ҷониби гул,

К-аз ӯ дар пойи дил нашкаста хоре.

Набошад ҳеҷ ошиқ ҳамчу Ҳофиз,

Фақире, бекасе, беэътиборе.

Facebooktwittergoogle_plusredditpinterestlinkedinmail